فض الصمت باحساسك وخل الحب لي يجري
وفضفض لي بعد عمري وعاتبني وفهمني
أنا أطري على بالك كثر ماأنته علي تطري؟!
تعال أقرب من أحضاني ترى خدك مواعدني
يلامس شغف روحي ويقطف بوحي من شعري
تعال أنثر هنا ليلك وخل ويلك يولعني
أناأحبك وأبي قربك.. ترى مني قضى صبري
أنانبضك زهر أرضك وأنت؟! ايه تملكني
أبي دموعك مع أنفاسك بصدق الود تحرقني
وأبي عيونك من عيوني تذوب من الولع كثري
وأبي عهدك مع وعدك وأبي كلك تسلمني
أبي أيدك تسافر معي هنآك لوسط قلبي
وأهيم بعالمك عاشق جنوني أنت .. وانت بي تدري
تشوف الجمر بعيوني؟ تشوف الشوق جنني؟
أجل تدري مثل ما أدري بأنك حلم يابدري
حبيبي قوم وصارحني عن احساسك وعلّمني
أنا أطري على بالك ؟! كثر ما أنته علي تطري؟!
ليست هناك تعليقات:
إرسال تعليق